تعريف الإسبام SPAM وكيفية التأكد من صحة الروابط في المواقع الإلكترونية

كثير ما بنشوف الأيام دي الروابط المختصرة في الأنترنت ومواقع التواصل الإجتماعي وغيرها من المواقع، ويصعب مرات تمييزها من الروابط المختصررة الحقيقية وروابط الـ SPAM التي أصبحت منتشرة هذه الايام.

طيب الأمثلة لهذه الروابط
زي الـ youtu.be و bit.ly و goo.gl وغيرها من الروابط والغرض منها هي إختصار الروابط الطويلة، هي روابط مفيدة وخدمة جيدة ومرات الموقع بيحظروا الدومين الأصلي لموقع فبتتضر لإستخدام الروابط المختصرة دي، لكن الناس الببرمجوا الـ SPAM للأسف الشديد بيستخدموا وروابط زي دي للتمويه وبرضو بقوا يستعملوا روابط الأصلية لمواقع كبيرة زي Facebook.com و youtube.com وغيرها.

طيب الـ SPAM دا شنو؟؟ ... ممكن نقول الـ SPAM جات فكرتوا من زمن البريد الإلكتروني والرسائل البتجي معاها روابط لمن تضغط على الرابط يقوم يرسل لاي زول من أصدقائك ... وطبعاً كانت الفكرة زمان لمن أرسل لكل أصحابك بتظهر إيميلاتهم كلها في الرسالة، يعني بإختصار شديد هي حيلة لمعرفة الإيميلات الموجودة عندك، وفي ناس كده الله يهديهم نقلوا الفكرة دي في مواقع التواصل الإجتماعي.

الإسم زاتو مشتق من SPiced hAM بمعنى "لحم الخنزير المتبل" وتم إختصار الإسم إلى SPAM وهي شركة بتبع اللحم في المعلبات.

يعني حتى معنى الإسم زاتو حاجة تقرف والله فما بالك بالروابط المنتشرة الأيام دي.

س: ما هي العلاقة بين الـ SPAM بشركة المعلبات دي؟؟ 

طيب العلاقة هي سرعة الإنتشار فقط لأنو الشركة لمن بدأت بطرح المنتج أكتسب شعبية كبيرة عند أمريكاً وهنا مع ضغتطك للرابط بيتشر الـ SPAM دا.

هو مرض أنا بشبهوا بالزكام القاعد يجي للناس، لأنو مرض ليس له علاج، وممكن يصيبك في أي زمان وأي مكان، نفس الفكرة هنا في الـ SPAM، والوقاية منه هنا نفس الوقاية من الزكام وهي التوعية المستمرة للمستخدمي الإنترنت.

س: طيب زمان كان بيستخدم الـ SPAM ليه؟؟

طيب زمان كان بيستخدم في الإعلانات أشان تنتشر بسرعة، لكن مع تطور الزمن أصبح الأسبام وسيلة للإختراق ونشر صورة مسئية وغيرها

بعد ما عرفنا الـ SPAM ... مرات في روابط بتشك فيها هل هي روابط حقيقية ولا روابط وهمية ساي وفي النهاية عايز أعرف الرابط الأصلي شنو؟؟

طيب في موقع جميل بوريك عموماً الروابط الأصلية، للروابط المختصرة، وبيعرف ليك كمان هل الروابط الوهمية دي حقيقية ولا وهمية بغض النظر أنها روابط مختصرة ولا ما مختصرة

إسم الموقع : Check Short URL

لزيارة الموقع أضغط هنا

 وجبت لي منشور SPAM زي الفي الصورة دي

 

كمان بقى فيها كلام جميل وشكل Smile كده يشجعك أنك تضغط على الرابط وفي النهاية ما في زول واطاته بتصبح غيرك وتعتزر للناس ومعليش وإلخ.

طيب كتبت الرابط في موقع Check Short URL

وظهرت لي المعلومات دي

لاحظوا في الصورة أعلاه، عرض لينا الرابط الأصلي، ورابط وهمي ما حقيقي جربتوا وأتضح بالفعل انو وهمي ... لانو في النهاية دا SPAM

بالتوفيق للجميع